अमेरीकाको उत्तर क्यारोलिना, लेक्सिंगटनकी २१ वर्षीया एबी निकोल सौन्डर्सलाई उनकै २९ वर्षीय प्रेमी ब्रान्डन कोडी निकोलस म्याकडेललाई टोकेको आरोपमा प्रहरीले पक्राउ गरेको छ । घटना केहि समय पहिलेको हो
शनिबारको दिन घरमा टिभी हेर्दै गर्दा आफ्नो अनुमति बिना नै कोडीले च्यानल चेन्ज गरेका कारण एबीले आफ्नै प्रेमीलाई टोकेकी छन् । घटनाको दिन एबी आफूलाई मनपर्ने टिभि कार्यक्रम हेर्दैथिइन् । सोही समयमा कोडीले अर्को च्यानल लगाएपछि एकोहोरीएर टिभी हेरिरहेकी एबी निकै रिसाइन् । उनले रिसको झोकमा आफ्रनै प्रेमीलाई पटक पटक झम्टिएर टोकेकी थिइन् ।
घरमा फैलिएको अशान्तिका कारण घटना भएको केही समयमै प्रहरी उक्त स्थानमा आइपुगेको थियो । प्रहरी आएर घटनाको छानबिन गर्दा कोडीको घाँटी, दाहिने पाखुरा र छातिमा टोकेको घाउ भेटिएको थियो ।
घटनापछि पक्राउ परेकी एबीलाई प्रहरीले घरेलु हिंसा सम्बन्धिको आरोप लगाएको छ । प्रेमिकाको टोकाइमा परेका कोडीलाई उपचारका लागि अस्पताल पठाइएको थियो ।