चितवनको भरतपुर महानगरपालिकाले कोरोना भाइरसको संक्रमण हुन नदिन सुरक्षात्मक उपाय अपनाएको छ। कोरोनाको संक्रमण हुन नदिन डिसइन्फेक्सन छर्न सुरु गरेको हो।
शुक्रबार बिहानैबाट नारायणगढ र भरतपुर बजार क्षेत्रमा डिसइन्फेक्सन छर्न थालिएको भरतपुर महानगरपालिकाले जनाएको छ।
यता लकडाउनको चौंथो दिन आज चितवनको बजार क्षेत्र सुनसान छ। तर अरु बेलाको बन्द झै सम्झिएर बेलुकी ५ बजेपछि बजारमा केही चहलपहल देख्ने गरिएको छ।