थाइल्यान्डमा शनिबारदेखि आयोजना हुने एसीसी इस्टर्न रिजन पुरुष ट्वेन्टी–२० कप क्रिकेट प्रतियोगिताको पहिलो खेलमा नेपालले मलेसियासँग खेल्दैछ ।
जगत टमाटाको मुख्य प्रशिक्षणमा थाइल्यान्ड गएको नेपाली टोलीले राम्रो सुरुआत गर्ने अपेक्षा गरिएको छ ।
पाँच टोली सहभागी प्रतियोगिताको शीर्ष दुईमा हुने टोलीले एसिया कप छनोटमा स्थान बनाउने छन् ।
नेपालले दोस्रो खेलमा आइतबार हङकङसित, तेस्रो खेलमा बुधबार थाइल्यान्डसित तथा अन्तिम खेलमा आउँदो शुक्रबार सिंगापुरसित खेल्नेछ ।
६ टोली रहे पनि ‘कोरोनाभाइरस’को प्रकोपका कारण चीनले भने नाम फिर्ता लिएको थियो ।
यसअघि, शुक्रबार ट्रफी सार्वजनिक गरिएको छ । बैंककमा हुने प्रतियोगिताको पाँच राष्ट्रका खेलाडीबीच ट्रफ्री सार्वजनिक गरिएको हो ।